Altri dá un paso estratéxico importante no seu proceso de expansión en Galicia, coa firma dun acordo para a adquisición a Smarttia de Greenalia Forest, unha das principais empresas do sector forestal na comunidade, e de Greenalia Logistics.
Esta operación representa un fito significativo para a implementación de proxectos en curso e reflicte o compromiso de Altri co desenvolvemento sostible e a valorización dos recursos naturais de Galicia.
A realización desta adquisición está suxeita á verificación dunha serie de condicións previas, procedemento común en transaccións desta natureza. A compañía estima que este proceso estará completado a finais do primeiro trimestre de 2025.
Con esta adquisición, Altri reforza a súa presenza en Galicia e reafirma o seu compromiso coa comunidade local e os seus socios. A compañía seguirá colaborando con provedores locais que adopten as mellores prácticas de xestión forestal, fomentando a creación de emprego e impulsando o aumento da produtividade forestal actual en Galicia, así como o desenvolvemento económico e social da comunidade autónoma. A operación está aliñada cos valores fundamentais de ALTRI, entre os que se atopa a sustentabilidade, o equilibrio e o respecto pola conservación e preservación dos recursos naturais.