A Xunta de Galicia adxudicou a obra de reparación da cuberta e as fachadas do centro de saúde de Neda. A Plataforma de Contratos Públicos de Galicia publicoua adxudicación do contrato, no que a se investirá 113.729, 72 euros.
As obras de reparación comezarán no vindeiro mes de xaneiro. Actuarase en máis de 890 metros cadrados de superficie. Así, para a reparación da cuberta, procederase a desmontar a anterior e executar unha nova cuberta. Colocaranse placas baixo tella de fibrocemento sen amianto e cobertura de tella cerámica curva.
De xeito paralelo á execución da nova cuberta, substituiranse os canais e baixantes, colocando uns novos de aluminio prelacado. A reparación da fachada realizarase picando o revestimento monocapa existente, saneando e reforzando previamente os beirís, ademais de proxectar un novo revestimento.
Unha vez realizadas as reparacións, procederase a pintar e sanear os interiores.
Neste mesmo ano, actuouse nas ramplas de acceso ao centro sanitario para mellorar a accesibilidade das persoas on mobilidade reducida. Tamén se actuou para habilitar un local para o retinógrafo. No ano anterior, creouse a área de pediatría-matrona, redistribuíronse as consultas e pintouse o centro.
