A galega Loly Vidal, Directora e Fundadora de Náyade Beleza, é unha das tres finalistas ao premio á Mellor Traxectoria Profesional Estética dos XI Premios Salón Look xunto a Silvia Oliete, Loly Vidal Perol e Yvette Pons.
Os XI Premios Salón Look, que recoñecen o labor de profesionais, empresas e entidades deste sector, anunciaron os 30 finalistas das súas 10 categorías. Os gañadores daranse a coñecer na gala que se celebra o próximo 2 de xuño en IFEMA Madrid e reunirá aos mellores profesionais da Estética e o Salón de peiteado de España.
Julia González, directora de Salón Look, cuxa próxima edición celebrarase do 17 ao 19 de outubro de 2025, afirmou que “esta elevada cifra de candidaturas non só consolida, senón que reforza o prestixio e o posicionamento destes galardóns, únicos no sector do salón de peiteado e a estética en España, ao contar cun xurado independente formado por destacados profesionais que garanten un proceso de avaliación rigoroso e obxectivo”.
