Un grupo de veciños presentou unha páxina web para a divulgación e preservación da memoria das Feiras de Cans de Caza de Arzúa, aberta á participación do público, e que conta cun arquivo dixital composto por 1.189 fotografías, 268 recortes de prensa e 67 documentos
As Feiras de Cans de Caza de Arzúa regresan á memoria grazas a un colectivo voluntario veciñal que vén de poñer en marcha un proxecto para a divulgación e preservación da súa historia. Dúas décadas dun encontro cinexético, de referencia en Galicia e en España, que se poden ver reflectidas nunha páxina web aberta ao público e que de presentar este grupo de veciños.
Un portal no que se rende homenaxe e se fai un repaso á historia destes 20 anos das Feiras de Cans de Caza de Arzúa a través de 1.189 fotografías, 268 recortes de prensa e 67 documentos. Unhas feiras que foron lugar de encontro para criadores, cazadores, afeccionados e profesionais do mundo cinexético, atraendo a visitantes e expositores de toda a Península.
O proxecto foi posible grazas ao traballo voluntario de Xoan A. Vidal, Chicho, encargado de gardar e clasificar o material; Xosé Pampín Quinteiro, que conservou os álbums de fotos; Xosé Manuel Trillo, que escaneou e dixitalizou as imaxes; e Estevo Raposo, quen creou e estruturou a páxina web.
Esta iniciativa está aberta á participación de toda a cidadanía, polo que se invita a quen dispoña de fotos, documentos ou lembranzas das Feiras de Cans de Caza de Arzúa, a compartilas a través do mail cansdecaza@arzua.org, ou ben a través do formulario da páxina web.
A participación no proxecto está aberta á toda á cidadanía, polo que se convida a quen dispoña de fotografías, documentos, obxectos ou claquera lembranza destas Feiras de Cans de Caza a compartilas a través do correo cansdecaza@arzua.org ou do formulario da web.
A páxina web conta cun buscador interno, filtros por tipo de documento, medio de publicación e tema, así como un sistema de comentarios nos rexistros, animando á xente a compartir as súas lembranzas e enriquecer o relato colectivo. Trátase dunha ferramenta útil tanto para quen sente curiosidade pola historia local coma para os amantes do mundo do can de caza.
Trátase dun proxecto que é unha homenaxe á xente que fixo posible as Feiras de Cans de Caza: criadores, xornalistas, entidades públicas e privadas, colaboradores e autoridades, cuxo esforzo colocou Arzúa no mapa dos grandes eventos cinexéticos da Península.
