O IV Circuíto Xacobeo Pádel Tour está conformado por un total de cinco probas, das que tres se disputan en Ames, un concello que abrirá mañá a primeira cita con máis de 100 parellas inscritas nas diferentes categorías
O IV Circuíto Xacobeo Pádel Tour xa ten todo listo para a disputa dunha nova edición que comezará coa primeira proba, mañá 3 de xullo, nas instalacións do Squash Club do Milladoiro no Concello de Ames. Un circuíto que está composto por 5 probas, das cales 3 dispútanse no municipio amiense: esta primeira, a segunda no Real Aeroclub en Piñeiro, e a quinta en Firmistáns nas pistas do Ames Pádel Center.
O hotel Oca Porta do Camiño acolleu a semana pasada o acto de presentación deste IV Circuíto Xacobeo Pádel Tour, un evento conducido polo locutor Álvaro Veiga e ao que acudiron, entre outros, os alcaldes de Ames e A Estrada, Blas García e Gonzalo Louzao; Valentín García, secretario xeral da Lingua en representación da Consellería de Cultura; ou Ildefonso de la Campa, director da Sociedade de Xestión do Plan Xacobeo.
O IV Circuíto Xacobeo Pádel Tour comeza, mañá xoves 3 de xullo, co Torneo Mercado La Galiciana, primeira proba do certame, que se vai a desenvolver no Squash Santiago. Para esta primeira cita hai máis de 100 parellas rexistradas nas diferentes categorías. As competicións abarcan desde a 1ª unisex, na que participarán destacados xogadores galegos, ata a categoría de iniciación para os principiantes.
O peche desta primira proba do circuíto terá lugar o vindeiro sábado 12 de xullo, no que se desenvolverá unha festa de fin de torneo, na que os asistentes poderán gozar de deliciosas degustacións e música, celebrando os logros de todos os xogadores.
O Circuíto Xacobeo non só se caracteriza polo seu alto nivel competitivo, senón tamén polo seu ambiente festivo e acolledor que convida a todos a participar, xogar e divertirse. Durante o torneo, os participantes terán a oportunidade de competir por unha variedade de premios.
Ames acolle tres das cinco probas do Circuíto Xacobeo
A segunda proba será o Torneo Concello de Ames, do 16 ao 19 de xullo, no Real Aeroclub de Santiago, nas instalacións de Piñeiro; a terceira será o Torneo Centro Deportivo, que está reservada a xogadores profesionais o 26 de xullo na Pobra do Caramiñal; a cuarta será o Torneo Milongas na Estrada, do 25 ao 30 de agosto; e o máster final, será novamente en Ames, no Pádel Center en Firmistáns, do 8 ao 14 de setembro.
Cada xogador participante recibirá un pack de benvida con bolsa e camiseta de xogo, descontos promocionais, unha botella de Red Bull e un libro en galego achegado pola Consellería de Cultura. Os rexistrados con Carné Xove poderán beneficiarse dun 10 % de desconto nas inscricións.
