A recadación da cita Os 11 das vías, proba solidaria que combina deporte, turismo e natureza en Cerceda, destinarase integramente a colaborar coa Asociación Española contra o Cancro
O Concello de Cerceda acolleu, o pasado sábado 3 de maio, a terceira edición da proba solidaria Os 11 das vías, que contou con máis de 640 persoas inscritas nunha cita que combina deporte, natureza e turismo, ao tempo que colabora, aportando a recadación íntegra, coa Asociación Española Contra o Cancro (AECC).
Os 11 das vías está organiza o Concello de Cerceda e conta coa colaboración do Club Atlética A Silva e o Albergue Estación. Os participantes tiveron que completar un percorrido dun total de 11 quilómetros, con tramos de trail e asfalto, e que lles permitiu coñecer a Vía Verde que une os municipiso de Cerceda e Oroso.
A proba deu comezo ás 16:45 horas coas carreiras para os escolares e ás 18:00 horas deuse a saída para a carreira absoluta. Uns minutos despois, sobre as 18:20 horas, iniciouse a andaina, con catro quilómetros de percorrido.
Unha das novidades desta edición foi a instalación dun espazo de actividades de xogos tradicionais, que permaneceu activa durante toda a tarde ata a entrega de trofeos. Novamente, todo o recadado nesta terceira edición da proba Os 11 das vías destinarase integramente á Asociación Española Contra o Cancro (AECC) para a investigación oncolóxica e financiamento de proxectos que permitirán un mellor diagnóstico e tratamento do cancro.
Esta proba, ao igual que outras como a San Silvestre ou a Poseidon Race demostran a aposta do Concello no fomento de eventos que mesturen deporte turismo e natureza” (Juan Manuel Rodríguez, alcalde de Cerceda)
O alcalde de Cerceda, Juan Manuel Rodríguez, destacou o éxito “dun evento que combina tres factores clave para nós: turismo, deporte e natureza” e concluiu destacando “o importante valor desta carreira, que é certamente especial por esa parte solidaria e colaborativa coa Asociación Española Contra o Cancro”.
Resultados da proba Solidaria Os 11 das vías
| CATEGORÍA | PODIO MASCULINO | PODIO FEMININO |
|---|---|---|
| Xeral 11 Km | 1º Pablo Otero 2º Serbessa Workneh Fikire | 1º Mullunesh Marina Porteiro de Loño 2º Berta Pan Veiras |
| Sub-10 | 1º Mateo Vilela Mosquera 2º Adrián Rodríguez Barril 3º Samuel Isaac Torrecillas | 1º Gabriela López Cadilla 2º Paula Maceiras Eiroa 3º Celtia López Ojén |
| Sub-12 | 1º Nicolás Amado Prego 2º Antonio Sanmartín Tenreiro 3º Álvaro Rodríguez González | 1º Icía López Ojén 2º Celia Mella Rama 3º Ainhoa Reboiras Bustelo |
| Sub-14 | 1º Guillermo Llorente Eizaguirre 2º Aleixo Bello Barbeito | 1º Judith Barros Campos 2º Candela Castelo Sánchez 3º Carla Suárez Suárez |
| Sub-16 | 1º Xoel Otero Rial 2º Marcos Barcala López 3º Martín Demetrio Villar Campos | 1º Martina Castelo Sánchez 2º Adriana Rodríguez González |
| Sub-18 | 1º Brais Bahamonde Barcala 2º Daniel Ambite Santana | 1º Aiala García Fojo 2º Lara Ferro Souto |
