Altri, grupo que a través de Greenfiber impulsa en Galicia o proxecto GAMA, participou na 4ª edición do Foro de Empresas EQ que se celebrou na Escola Técnica Superior de Enxeñería (ETSE) da Universidade de Santiago de Compostela.
Alí tivo a oportunidade de manter contacto con alumnado do grao de Enxeñería Química e do #máster de Enxeñería Química e bioprocesos da mencionada escola, pero tamén con alumnos dos #máster de Enxeñería Ambiental; Enerxías Renovables, Cambio Climático e Desenvolvemento Sostible; Física; Investigación Química e Química Industrial; Matemáticas; Matemática Industrial; Técnicas Estatísticas; e Desenvolvemento Económico e Innovación.
Tal e como explica a directora de Recursos Humanos de Greenfifer, Olga López Arias, “o noso obxectivo é captar talento coa vista posta no proxecto GAMA, que Altri está a impulsar en Galicia a través de Greenfiber. Neste sentido, queremos que coñezan o proxecto e a nosa forma de traballar para que nos consideren unha opción de futuro para o desenvolvemento da súa carreira profesional”.
