O Concello de Barbadás ofreceu unha charla sobre a Lei de protección dos dereitos e benestar dos animais (LPDBA). A xornada estivo organizada pola Asociación de propietarias/os de mascotas de Ourense (APMOU).
As poñentes foron Carmen Eiró, fiscal de Medio Ambiente, e Aline Castro, avogada especialista no ámbito. Así pois, trataron casos prácticos e aclararon as dúbidas dos asistentes. Na xornada participaron membros da Policía Local, Protección Civil, Seprona e asociacións animalistas como ALMA e Vibrisas.
O concelleiro Dani Rey salientou o valor destas accións para impulsar o programa CER (Castración-Esterilización-Retorno) e a xestión de colonias felinas. Pola súa banda, a tenente de alcalde, Victoria Morenza, destacou o esforzo do Concello por situarse como referente en benestar animal. Así mesmo, o alcalde, Xosé Carlos Valcárcel, agradeceu a colaboración desinteresada do voluntariado e das poñentes, reforzando o compromiso de Barbadás coa protección animal.
