O Concello de Ferrol pechou ao baño o regato da praia do Pareixal tras detectar bacteria E.coli. O descubrimento fíxose grazas a nunha analítica de control de auga realizada por Emafesa. A zona na que está prohibido o baño está balizada e sinalizada con carteis que indican a restrición.
Nunha segunda mostra tomada augas abaixo, preto da praia, constatouse unha redución moi significativa de dita bacteria con respecto á mostra extraída no regato.
A Consellería de Sanidade realizou o 19 de maio, o 8 e o 22 de xuño e o 2 de xullo controis rutineiros de auga nesta zona, sendo esta apta para o baño. Na xornada de onte tomouse outra mostra cuxo resultado se coñecerá na xornada de mañá.
Debido a esta situación, a bandeira azul non se izará en A Fragata-O Pareixal ata que as analíticas arroxen un resultado negativo en E.coli.
