A xunta de voceiros do Concello de Ferrol insiste na necesidade de manter unha reunión presencial co Ministerio de Transportes e Mobilidade Sostible. O obxectivo é abordar a urxente modernización do transporte ferroviario entre Ferrol e A Coruña.
O alcalde de Ferrol, José Manuel Rey Varela, solicitou persoalmente e por escrito ao ministro Óscar Puente unha entrevista cos voceiros municipais. Máis en concreto, solicitouno en decembro de 2023, outubro de 2024 e abril de 2025. Neste sentido, rexedor defendeu a necesidade de tratar un asunto de vital importancia para a cidade e a súa contorna.
Non obstante, a resposta a estas peticións foi unha reunión telemática, fixada para o 27 de maio, co director xeral do sector ferroviario. Ante esta resolución, todos os portavoces concordaron en solicitar que a reunión co Ministerio sexa presencial, dada a relevancia do asunto a tratar.
Así mesmo, acordaron axendar unha reunión previa coa Consellería de Mobilidade da Xunta de Galicia e solicitar reunións cos grupos parlamentarios, ao tempo que amosaron unidade neste tema clave para Ferrol.
