Ferrol contará, un ano máis, cun total de cinco praias con bandeira azul. Este distintivo da Asociación de educación ambiental e do consumidor (Adeac) recoñece a calidade de areais en todo o mundo.
A Fragata-O Pareixal, Caranza, Doniños, Esmelle e San Xurxo renovan un ano máis este recoñecemento. Está outorgado baixo criterios relacionados coa calidade das augas, a seguridade, a accesibilidade, a dotación de servizos, a xestión ambiental e a sostibilidade.
Con estes cinco areais recoñecidos, Ferrol é un dos municipios de Galicia con maior número de bandeiras azuis, sendo superado unicamente por Arteixo, Sanxenxo, Vigo e Baiona.
PUBLICIDADE
PUBLICIDADE
