O socialista Gonzalo Caballero anunciou que “non se dan as condicións” para presentarse ás primarias do PsdeG, por “acumulación de cargos do aparato en torno á candidatura de Besteiro”. Considera que isto “impide que o partido poida afrontar a renovación que necesita”.
Así o contou aos medios no día de onte na praza do Obradoiro de Santiago de Compostela. Acompañado de militantes de todas as provincias Caballero explicou que “o cambio que non é posible liderar nestes momentos, será posible nos vindeiros anos porque o derrumbe electoral non pode ser persistente de forma continua”.
O socialista definiu como “desastre a situación actual do partido” e explicou que “a concentración de altos cadros municipais e provinciais así como de Ferraz en torno á candidatura de Besteiro supoñen un tapón para que poida producirse a renovación que o PSdG precisa para conectar coa cidadanía. Hai moita militancia que pide cambio, pero non se dan as condicións obxetivas para que poida presentarme”.
