O EXCONCELLEIRO TAMÉN SOLICITARÁ A BAIXA NO PARTIDO POPULAR
O concelleiro de Servizos de Ribadavia, Juan Carlos Fernández, presentou un escrito no rexistro municipal renunciando aos seus cargos no Goberno local e á súa acta como edil. Así, comunicou previamente a súa decisión ao alcalde e presidente da agrupación local, César Fernández Gil. Segundo o escrito, o fin da renuncia é non danar a imaxe do municipio, do executivo local e do partido.
Juan Carlos Fernández foi detido o pasado luns tras unha denuncia da súa parella por violencia de xénero. Presuntamente, tería ameazado, insultado e zarandeado á parella sentimental na vía pública en Ourense.
Dada a situación xudicial na que se atopa, Fernández presentará a súa solicitude de baixa no Partido Popular. Segundo o comunicado do PP de Ourense, o xa exedil afirma que desexa ter toda a liberdade necesaria para afrontar esta situación e demostrar a súa inocencia, coa máxima colaboración coa xustiza.
