O Centro de Información ás Mulleres (CIM) do Pereiro de Aguiar rexistrou 1.100 consultas durante o pasado ano 2024. Neste sentido, o Goberno local fai un balance “altamente positivo” no número e variedade de consultas. Así pois, o CIM atendeu a 159 persoas durante o 2024.
Máis en detalle, durante o pasado ano o CIM ofreceu asesoramento xurídico en 488 consultas, 74 máis que no 2023. Este trátase do servizo máis demandado do centro. Así mesmo, atendeuse en 477 ocasións a vítimas de violencia de xénero, supoñendo 61 máis que en 2023. No tocante á atención psicolóxica, o CIM contabilizou 133 consultas, fronte ás 122 atendidas o ano anterior. Finalmente, igualouse o número de consultas de información sobre cursos, xornadas e actividades en 2024 con respecto ao ano anterior.
En canto ás accións realizadas nos centros escolares do Pereiro de Aguiar, o Goberno local salienta os concursos de debuxo, un proxecto de educación afectivo-sexual, varios debates, conferencias, obradoiros e espectáculos teatrais. Todas estas actividades perseguiron a fin de abordar a violencia de xénero, as adiccións a Internet e cuestións relativas á igualdade.
Tras analizar as cifras, a administración local asegura que o CIM é un dos servizos mellor valorados e implicados coa veciñanza do municipio.
