O Concello do Pereiro de Aguiar está a realizar actuacións de mellora da eficiencia enerxética, co financiamento do IDAE. Así, inviste 1,1 millóns de euros na renovación a LED de máis de 1.300 puntos de luz do municipio.
Esta actuación abrangue todas as parroquias e suporá un importante avance en mellora do alumeado público. Ademiais, redundará na redución da factura eléctrica e na loita contra o cambio climático.
Asemade, O Pereiro de Aguiar iniciou esta semana as obras do plan de mellora de vías municipais. Neste caso, conta cun investimento de máis de 400.000 euros e permitirá actuar en diferentes lugares e estradas municipais. Segundo o Goberno local, permitirá atender a moitas reclamacións veciñais e mellorar a rede viaria municipal.
Con estes dous avances, o Concello do Pereiro de Aguiar salienta que segue a mellorar os servizos á cidadanía e que seguirá traballando nesa liña.
