O Concello de Ortigueira equipou varios espazos municipais con desfibriladores externos automáticos (DEA). O obxectivo é mellorar a capacidade de resposta ante situacións de emerxencia sanitaria e reforzar a seguridade da cidadanía.
Os dispositivos estarán no coche da Policía Local, nas oficinas municipais, prestando servizo tamén ao teatro da Beneficencia; no GES e na nave do polígono de Cuíña, para cubrir os servizos municipais de obras.
Con esta entrega de DEAa, o Concello de Ortigueira amplía a rede de espazos cardioprotexidos e garante unha maior cobertura en lugares estratéxicos do municipio.
Antes da posta en funcionamento dos equipos, o persoal municipal implicado realizou un curso obrigatorio de formación para o correcto uso dos desfibriladores. Así, asegúrase unha intervención eficaz e segura en caso de parada cardiorrespiratoria.
