O Concello de San Sadurniño realizou no salón de plenos o sorteo dos lotes de produtos da campaña “Polo Nadal, consumo local”. Nesta iniciativa de promoción do comercio e servizos locais participaron 31 establecementos, que repartiron 200 talonarios de papeletas no mes de decembro. Así, sorteáronse seis cestas valoradas en 70 euros cada unha e tres de 140 euros.
O concelleiro responsable da área de Desenvolvemento local, Manolo Varela, destacou a alta participación na campaña. “Este ano entraron na rifa un total de 200 talonarios, 94 correspondentes a compras por un valor inferior a dez euros e 106 con papeletas por compras superiores a esa cantidade”. Así pois, son cincuenta talonarios máis que na campaña do Nadal 2023.
O edil salientou que as cestas están conformadas por produtos comarcais e locais da máxima calidade. Tras contactar coas persoas agraciadas, o acto de entrega dos agasallos terá lugar o hoxe ás 12:00h na Casa do Concello.
