A Noite Meiga de Ribadavia reuniu a centos de persoas que desfrutaron do Desfile Meigo ou da Pasaxe do Terror nunha noite máxica de defuntos
A Noite Meiga de Ribadavia volveu confirmar que é unha das citas do Samaín que atrae e reúne a máis persoas de toda a comunidade para celebrar a noite de defuntos, que organiza a Asociación Ribadavia Activa-T e contou coa colaboración do Concello de Ribadavia. Unha noite máxica e de misterio cun amplo programa de actividades dirixidas a públicos de todas as idades.
O Desfile Meigo foi un dos momentos máis destacados da noite, unha comitiva que estivo acompañada, percorrendo as rúas do concello, polos tradicionas xigantes e cabezudos. Tamén, pequenos e maiores desfrutaron da Pasaxe do Terror no Castelo de Ribadavia e que supuxo unha experiencia inmersiva única.
O concerto de Mad Martin Trío e a música de DJ Nando baixaron o pano desta nova edición da Noite Meiga 2024 que se consolida ano a ano. “A Noite Meiga non só revitaliza a nosa cultura, senón que promove o sentimento de unidade e pertenza en Ribadavia“, indicaron dende o Concello que destacaron “o compromiso e participación da veciñanza para o éxito desta Noite Meiga“.
