A I San Silvestre Solidaria, organizada pola Sociedade Recreativa San Xoán de Calo a prol da Fundación Andrea, dará a súa saída o vindeiro sábado 28 de decembro no campo de Rebordelo
A I San Silvestre Solidaria, organizada pola Sociedade Recreativa de San Xoán de Calo a prol da Fundación Andrea, contará co apoio do Concello de Teo dende esta a súa primeira edición que se disputa o vindeiro sábado 28 de decembro, dende o campo municipal de Rebordelo a partir das 16:30 horas.
Os participantes nesta I San Silvestre Solidaria, cunha inscrición de 5 euros dos que 3 destinaranse a proxectos da Fundación Andrea, terán que completar un percorrido de 4 quilómetros con saída dende o campo de Rebordelo, e que se pode realizar tanto corriendo como andando. As inscricións poden realizarse a través da páxina web de Eme Sports.
Ao remate da I San Silvestre, recibirán o seu correspondente premio os gañadores da carreira, tanto na categoría masculina como feminina, ademais doutras sorpresas dirixidas as persoas que vaian en familia, disfrazados…
No acto de presentación desta I San Silvestre Solidaria, a primeiros de decembro, estiveron a alcaldesa de Teo, Lucía Calvo de la Uz; a directora da Fundación Andrea, Amaya Castro; a xerente de Carpintería Metálica Galanas, Cristina Segade; a presidenta da SR Calo, Elsa Gómez; o coordinador deportivo, Manuel Buján, e o presidente da Comisión de Deportes, Antón Noriega.
