Aarón Ayude, da Escola Ayude de Santiso tamén conseguiu a medalla de prata na modalidade de Light Contact nesta primeira proba do circuíto mundial
Aaron Ayude, deportista da Escola Ayude de Santiso, disputou do 5 ao 9 de marzo no Pala Invent da localidade italiana de Jesolo a primeira cita da WAKO World Cup de Kick Boxing, proba do circuíto mundial que reuniu a máis de 3.500 deportistas, os mellores representantes amateurs da especialidade.
Aaron Ayude acudiu á cita italiana coa intención de chegar ao máis alto, medrar na clasificación do ranking mundial, e pensando xa no Campionato do Mundo de Kick Boxing que se desenvolverá o vindeiro mes de novembro en Abu Dabi nos Emiratos Árabes Unidos.
Así, a participación do desportista da Escola Ayude foi todo un éxito, xa que Aaron conseguía facerse coa Copa do Mundo na especialidade de Kick Light con moita solvencia, ademais de acadar a medalla de prata na proba de Light Contact, empezando da mellor maneira posible o seu concurso no circuíto internacional que terá a súa seguinte cita en Budapest, Hungría, do 13 ao 15 de xuño.
