A Milla Urbana, que se desenvolveu no paseo marítimo da Frouxeira, contou na saída con case un cento de corredores
Carla Irles e Jorge Garrido foron os gañadores absolutos da XI Milla Urbana de Valdoviño, que se disputou, o domingo 22 de setembro, no paseo marítimo da Frouxeira e que reuniu na saída a case un cento de corredores de todas as categorías.
Os participantes, na milla urbana organizada polo departamento de Deportes do Concello de Valdoviño, tiveron que completar diferentes distancias segundo a categoría e que foron dende os 100 metros para os máis cativos ata os 1.609 metros nas categorías superiores.
Resto de gañadores da Milla Urbana
Xunto a Jorge Garrido e Carla Irles, o resto de gañadores desta XI Milla Urbana foron, por categorías: Cecilia Benasach e Adrián López en alevíns; Miguel Benasach en infantís; María Benasach e Miguel Ríoseco en benxamíns; Paula Fojo e Édgar Leira en cadetes; Emma Vázquez en júniors; Cristina Rodríguez e David Campos en promesas; Silvia Coba e Pablo Piñeiro, Laura Núñez e Mario López, Fani Ferreiro e José Ángel López e José Lopez, en veteráns 1,2,3 e 4, respectivamente.
