O auditorio da Casa da Cultura de Bertamiráns acolleu a XVII Gala do Deporte do Concello de Ames, nun acto que reuniu a numerosos deportistas e clubs do municipio, e no que Guillermo Carracedo Robelo e Blanca Millán Modía foron galardoados como os deportistas máis destacados da tempada na categoría masculina e feminina, respectivamente.
Durante o desenvolvemento desta XVII Gala do Deporte do Concello de Ames tamén se realizou un recoñecemento especial a Jorge Pérez Fernández, do Club ciclista Os Esfola Arrós, e se premiou ao Real Aero Club de Santiago como entidade colaboradora. A atleta Emma Méndez Martínez exerceu como madriña da gala.
PUBLICIDADE
