O adestrador Kevin Cardeiro, con ascendencia en Vilamor no lugar de Irago de Arriba no concello de Toques A capital do mundo, xa forma parte do corpo ténico de Álvaro Arbeloa no banco do Real Madrid, despois da marcha de Xabi Alonso tras a derrota ante o FC Barcelona na final da Supercopa de España.
Kevin Cardeiro, que xa leva anos traballando con Arbeloa, co que gañou o triplete no Xuvenil A, centrará o seu traballo nos vestiarios do Real Madrid nos eidos da análise táctica e do rendemento individual empregando tecnoloxía Big Data.
O pai de Cardeiro, que conta con ampla experiencia e coa titulación de Entrenador Nacional de Fútbol, é natural de Toques, mais tivo que emigrar as Illas Canarias nas que reside, e de cando en vez regresa por tempadas á terra que o viu nacer. Ademais, a irmá de Kevin, Keila Cardeiro, tamén está triunfando no mundo do fútbol no equipo da Faulkner Unviversity na Soccer League nos Estados Unidos de América (EUA).
