Os vecedores da proba inaugural da Liga Galega de Mushing foron Jacobo Corbacho, Ismael Fernández, Noelia Pérez, Roberto Salvado, Catarina Triñades e Noelia Piñeiro
A Liga Galega de Mushing comezou a tempada no concello de Rois, o pasado domingo 17 de novembro, coa disputa do VIII Mushing Montes de Rois, no que competiron máis de 60 deportistas cos seus cans nas modalidades de bikejoring, patín e canicross.
A proba da Liga Galega de Mushig, Montes de Rois, que estivo organizada e deseñada pola asociación Arcade, forma parte do calendario da Federación Galega de Deportes de Inverno, tivo a súa saída e chegada na Peruca e os participantes completaron un percorrido de 3,8 quilómetros que transitou polas comunidades de montes da Pena, de Corne e de Seaxe.
Jacobo Corbacho (Valor) foi o máis rápido na modalidade canicross absoluta masculina, que chegou primeiro á liña de meta, e polo tanto lidera a Liga Galega de Mushing, por diante de Óscar Piñeiro e de Eloy Suárez, ambos do equipo Kennel Den. Catarina Triñanes, tamén do Kennel Den, foi a máis rápida na categoría absoluta feminina, por diante da súa compañeira de equipo Mónica Touriño, segunda, e da deportista do Arcade, Julia Salvado.
O canicross de veteráns desta primeira proba da Liga Galega de Mushing foi para Gumersindo Martínez (Kennel Den), seguido de José Antonio Piñeiro (Arcade) e de Camilo Fernández (Canicross Zarkokan). En alevíns, o triunfo foi para Paula Otero do club organizador.
O deportista Ismael Fernández (Arcade) foi o vencedor masculino na modalidade de bikejoring, seguido de Cristian Martínez (Kennel Den) e de Santiago Santiago (Canicross Pontevedra); mentres que no grupo feminino, a máis rápida foi Noelia Piñeiro que chegou primeira á liña de meta por díante das súas compañeiras de equipo no Kernnel Den, Mónica Touriño, segunda, e Iris Vidal. Nesta modalidade, Marcos Ledo (Acade) impúxose na categoría de veteráns con Roberto Valverde (Kennel Den) segundo, e Santiago Rodríguez (Acade), que completou o podio.
Na modalidade patín, cun can, liderou a proba Noelia Piñeiro (Kennel Den) por diante de Ángel Lira (Canicross Zarkokan) e de Susana Pérez (Balto Mushing Team); con dous cans, o primero posto foi para Roberto Salvado (Acade), con Óscar Piñeiro (Kennel Den) segundo e Gumersindo Martínez (Kenne Den), terceiro. Na categoría júnior o máis rápido foi Azeb Touriño (Kennel Den) por diante da súa compañeira de equipo Antía Valverde.
