Noelia Juncal Marzoa, deportista de Oroso vén de acadar un novo e destacado éxito deportivo ao proclamarse campioa de España de Clubs 2025 de Taekwondo WTF, nun campionato celebrado o pasado domingo na localidade de La Nucía (Alacant).
Noelia Juncal competiu na categoría cadete -47 kg, unha das máis concorridas do campionato, na que participaron un total de 47 deportistas procedentes de clubs de toda España. Para facerse co título nacional, a taekwondista orosina tivo que superar cinco combates de alto nivel, demostrando un excelente estado de forma, constancia e madurez competitiva pese á súa mocidade.
Na final, Noelia Juncal impúxose á súa compañeira de equipo Alba Figueira, repetindo así a mesma final disputada no Open de Mallorca 2025, celebrado o pasado mes de outubro, no que tamén asinou unha brillante actuación. Este resultado consolida a súa proxección deportiva e sitúaa entre as principais promesas do taekwondo nacional na súa categoría.
Desde o Concello de Oroso queremos trasladáronlle a súas “máis sinceras felicitacións a Noelia Juncal, así como á súa familia, ao seu club e ao seu equipo técnico, polo traballo, esforzo e dedicación que hai detrás deste importante logro. O seu éxito é motivo de orgullo para todo o municipio e un exemplo de superación, compromiso e valores deportivos para a mocidade de Oroso”, indica nun comunicado.
