O IX Campus Chiquibásquet, dirixido a persoas de 5 a 22 anos, desenvolverase no pavillón polideportivo de Ares do 22 ao 24 de decembro
O Campus Chiquibásquet Nadal, organizado polo Concello de Ares conxuntamente co seu promotor, Chiqui Barros, vén de anunciar a apertura das inscricións. Os participantes, de 5 a 22 anos, contarán con tres xornadas de adestramentos, do 22 ao 24 de decembro en horario de mañá de 10:00 a 13:00 horas no pavillón polideportivo de Ares.
O Campus Chiquibásquet oferta un total de 20 prazas cun prezo de matrícula de 50 euros para non-empadroados na vila, e 45 euros para aquelas persoas que residan en Ares. O proceso de inscrición estará aberto ata o 23 de decembro, facendo a reserva a través da páxina web del evento.
A iniciativa, que emprega metodoloxías lúdico-formativas, ten como obxectivo a mellora deportiva e persoal da mocidade de 5 a 22 anos na súa práctica do baloncesto. A principal novidade deste ano é a incorporación ás sesión de adestramento un apartado especial, o monográfico de tiro, para mellorar especificamente nesta habilidade do baloncesto.
