O campionato triangular, que “nace con vocación de continuidade”, se disputa o 10 de agosto
O campo do Cultural Maniños acollerá o vindeiro 10 de agosto a primeira edición do Trofeo Triangular de Fútbol Concello de Fene no que tomarán parte a SD Barallobre, o Cultural Maniños e o CCRD de Perlio. Poderán participar tantos xogadores por encontro como licencias federativas teña o club.
O torneo xogarase atendendo ao sistema de todos contra todos, é dicir, cada equipo enfrontarase aos outros dous unha vez en partidos de 45 minutos cun descanso de 15 minutos entre eles.
O regulamento do Trofeo foi consensuado polo concelleiro de Deportes, Adán Chao, cos clubs participantes. O edil asegurou que o torneo “nace con vocación de continuidade e coa idea de estreitar lazos entre os equipos do municipio”, indicou o edil durante a presentación.
PUBLICIDADE
PUBLICIDADE
