O Rally Cidade de Narón, proba puntuable para o Campionato de España de Rallyes de Asfalto, dispútase o vindeiro 24 de maio e transcorrerá polos municipios de Narón, San Sadurniño, Moeche, Cerdido, As Somozas e Valdoviño
O 24 de maio dispútase o 37º Rally Cidade de Narón, proba puntuable para o Campionato de España de Rallyes de Asfalto, motivo polo cal desenvolveurse no Concello, o pasado luns, a reunión de seguridade que presidiu a alcaldesa Marián Ferreiro, na que tamén participaron os edís de Seguridade Cidadá e Deportes, José Oreona e Ibán Santalla, así como representantes das forzas de seguridade e emerxencias de Narón e da organización do rally
No transcurso da xuntanza abordáronse os temas relativos á seguridade do Rally Cidade de Narón que comezará o venres 23 cun shakedown pola parroquia de San Xiao, nun tramo de 2,76 quilómetros nos que equipos e pilotos poderán axustar os seus vehículos.
Asemade, conxuntamente repasaron os plans de seguridade de todos os tramos cronometrados, cinco en total: As Cortiñas, As Enchousas, Santa Cristina, As Barcelas e Sedes.
Os participantes neste 37º Rally Cidade de Narón percorrerán un tramo de 418 quilómetros o sábado, dos que 119,78 serán cronometrados e que discurrirán polos concellos de Narón, San Sadurniño, Moeche, Cerdido, As Somozas e, tamén este ano, Valdoviño.
