Un total de 45 parellas compiten dende hoxe e ata mañá, no pavillón de Lañas, por acadar o título desta terceira edición do Torneo de Pádel Concello da Baña
O III Torneo de Pádel Concello da Baña bota hoxe a andar no pavillón de Lañas cun total de 45 parellas, o que supón un récord de inscricións dun campionato que remata mañá coa disputa das finais nas cinco categorías das que se compón: 2ª masculina e feminina, 2ª mixta, 3ª feminina e iniciación feminina.
Os cadros de xogo así como as bases do campionato pódense consultar na páxina web municipal, e ante a alta inscrición a organización desta edición do Torneo de Pádel Concello da Baña viuse obrigado a anunciar que non se disputarán as finais de consolación, e as parellas que queden eliminadas poderán reservar pista para xogar nos horarios que estean libres.
PUBLICIDADE
