O Grupo Altri alcanzou a mellor cualificación da súa historia no Sustainalytics ESG Risk Rating, que supón, ademais, a mellor cualificación do mundo entre as empresas do sector da celulosa e o papel.
O grupo obtivo 11,9 puntos, o que consolida o seu status de «Empresa de Baixo Risco ASG.
Ano tras ano, o Grupo Altri experimentou claras melloras na súa cualificación de Sustainalytics, a referencia internacional para a clasificación do risco ASG. Tras mostrar unha evolución positiva de 4,6 puntos en 2023, ata os 14,7 puntos, este ano rexistrou unha nova progresión de 2,8 puntos, alcanzando os 11,9 puntos.
«É un orgullo ver reflectido na avaliación de Sustainalytics o traballo que realizamos día a día para facer do Grupo Altri un referente en sustentabilidade», declarou José Soares de Pina, CEO do Grupo Altri.
«Este resultado sitúanos nun nivel de excelencia, recoñecéndonos como a empresa con menor risco do mundo no noso sector», engade. Dun total de 63 avaliadas no sector de Papel e Celulosa por Sustainalytics, o resultado presentado por Altri consolidou o seu status como «Empresa de Baixo Risco ESG», ofrecendo un alto nivel de seguridade para os investidores. Considerando a agrupación industrial de Papel e Silvicultura, a clasificación obtida sitúa ao Grupo en segunda posición entre 83 empresas. Neste sentido, o forte compromiso da dirección do Grupo Altri para responder os riscos ESG explica en gran medida o resultado global obtido. A avaliación deste ano tamén destaca positivamente o reducido uso de auga, así como as baixas emisións de CO2 nas operacións realizadas nas súas unidades de produción en Portugal.
«Apoiados no noso ‘Compromiso 2030’, que está aliñado cos Obxectivos de Desenvolvemento Sostible de Nacións Unidas, conseguimos alcanzar os obxectivos que nos marcabamos. Con todo, trátase dunha tarefa inacabada», afirma Sofía Jorge, Directora Executiva de Sustentabilidade do Grupo Altri. «Queremos facer máis e mellor, co obxectivo de construír un mundo máis renovable», engade.
O ESG Risk Rating de Sustainalytics mide anualmente o rendemento das empresas en materia de sustentabilidade avaliando os seus resultados neste ámbito.