José Pina, CEO de Altri realizou unhas declaracións respecto da decisión da Comisión Europea de Peticións do Parlamento Europeo de rexeitar a solicitude do BNG de celebrar un debate de urxencia sobre o proxecto GAMA: “Esta decisión vén apontoar a nosa tranquilidade e a nosa confianza tanto no proxecto como no procedemento de avaliación ambiental que está aberto nestes momentos. Xa a principios de setembro a Comisión pronunciouse sobre o mesmo, sen apreciar ningún indicio que leve a pensar que se está incumprindo ningunha normativa”.
Pina subliñou que “son as autoridades competentes de cada Estado membro as que deben avaliar co máximo rigor os proxectos industriais que aspiran a implantarse nos seus territorios e non considera que, neste caso, estea a incumprirse ningún aspecto no procedemento. Por iso consideramos que se debe continuar coa tramitación nun marco de normalidade. Nós expuxemos este proxecto cuns niveis de esixencia moi elevados. Confiamos nel. E por iso somos os primeiros interesados en que os técnicos traballen con rigor e independencia, porque iso permitirá disipar as dúbidas que poidan existir ao redor de GAMA”.
O CEO de Altri rematou a súa intervención agradecemento á “UE que devolva o tema á normalidade e avogue polos leitos establecidos para a avaliación rigorosa de calquera proxecto industrial. Iso dános tranquilidade e reforza a nosa confianza nas institucións.”
