O Concello de Ferrol recibiu ofertas dun total de 10 empresas para o servizo de recollida de residuos e limpeza viaria.
O servizo prestarase en dous lotes. En primeiro lugar, para o lote 1 presentáronse sete empresas. Este implica a recollida de residuos xerados e traslado ata o punto de transferencia, centro de tratamento e/o xestor autorizado que corresponda. Súmase o servizo de limpeza de vías e espazos públicos incluíndo: envases lixeiros, papel-cartón, vidro, biorresiduo, pilas, aceites vexetais, voluminosos e animais mortos, punto limpo móbil, varrido manual e baleirado de papeleiras, baldeo mixto de beirarrúas e calzadas, servizos de atención a praias, limpeza de mobiliario urbano, sumidoiros e traballos de roza, tanto no rural como no urbano.
En segundo lugar, para o lote 2, de recollida de téxtil e que inclúe o servizo de rozas, presentáronse tres empresas.
O adxudicatario deberá subrogar a todos os traballadores que dispoñan do dereito legal de subrogación, e coas súas condicións laborais vixentes ao momento de iniciar o novo contrato. Na actualidade o número de traballadores ascende a 134. O contrato ten unha duración de 10 anos.
