O PP de Melide solicita que se atenda con urxencia “a falta de nichos disponibles no cemiterio municipal, o cal está xerando gran preocupación e incerteza entre as familias melidás”.
Ante esta problemática, dende o Partido Popular apuntan que “entendemos que o Concello debe actuar rapidamente e proceder á ampliación de espazos libres do cemiterio municipal, toda vez que existen os terreos anexos ao cemiterio municipal de Furelos para dar resposta a esta cuestión. Isto é unha cuestión transversal que afecta a todos e que se debe solucionar de inmediato. De feito, que teñamos chegado ata aquí só responde a unha falta de previsión total e absoluta por parte do Goberno local, sendo algo previsible e sabendo que non se esgota o espazo dun día para outro”.
Engaden que “ademais, aproveitamos a moción para denunciar, como xa fixemos noutras ocasións, o deficiente nivel de mantemento e coidado dos cemiterios municipais, cuxo estado é completamente vergoñento. Entendemos que xa está ben de que a imaxe das instalación municipais sexa sempre tan lamentable. Nesta dirección, reiteramos ao tripartito local a necesidade de prestar atención ao mantemento destas intalacións, toda vez que son os usuarios delas, os veciños, os principais damnificados por esta desidia diaria na xestión”.
