O obradoiro de teatro de Trazo, para maiores de 18 anos, será impartido por Artur Trillo de Talía Teatro, e hoxe ás 19:00 horas haberá unha reunión informativa para os interesados
O Concello de Trazo vén de anunciar a posta en marcha dun obradoiro de teatro para adultos que se desenvolverá na Casa Amarela, en Viaño Pequeno, dende este mes de xaneiro e ata o mes de xuño, e será impartido por Artur Trillo, integrante de Talía Teatro.
O obradoiro de teatro de Trazo, dirixido a maiores de 18 anos, xa ten abertas as inscricións que se poden formalizar no departamento de Servizos Sociais do Concello ou chamando ao número 981 689 001. Na tarde de hoxe terá lugar unha reunión informativa ás 19:00 horas para todos os interesados en participar.
Horarios do obradoiro de teatro para adultos
O obradoiro de teatro do Concello de Trazo impartirase todos os mércores de 19:00 a 21:00 horas ata o mes de xuño, e terá lugar na Casa Amarela, en Viaño Pequeño, e os participantes terán que abonar unha cota mesual de 10 euros.
