Os Sábados de Baile Social volven nunha nova edición ao Concello de Cerceda. Trátase dunha proposta cultural e de lecer pensada para fomentar a convivencia, o encontro veciñal e o goce da música en directo. A iniciativa desenvolverase no local social do Moucho, sempre en horario de 19:00 a 22:00 horas, convertendo este espazo nun punto de referencia para o baile e a participación social.
A programación dos Sábados de Baile comezará este mes de xaneiro, cunha primeira cita mañá día 10 coa actuación do Dúo Élite, e continuará o día 24 co Dúo Charada. En febreiro, o baile social celebrarse o día 14 ao ritmo do Dúo Matices e o día 28 coa música do Dúo Arena. Xa no mes de marzo, o público poderá gozar do Dúo Caramelo o día 14. A actividade manterase tamén en abril, con dúas datas programadas: o 11 de abril, novamente co Dúo Caramelo, e o 25 de abril coa actuación do Dúo Élite. O ciclo pecharase no mes de maio, o día 9, coa presenza do Dúo Lupe.
Desde o Concello de Cerceda anímase á veciñanza a participar nestas xornadas de baile social, que combinan música, entretemento e relacións sociais nun ambiente próximo e accesible, contribuíndo así á dinamización da vida comunitaria e ao uso dos espazos sociais do municipio.
