A I Gala do Trail Running Galego encheu o auditorio da Casa da Cultura de Bertamiráns, en Ames, para premiar aos mellores deportistas e clubs da tempada
A primeira Gala do Trail Running Galego, organizada pola Federación Galega de Atletismo (FGA) na Casa da Cultura de Bertamiráns no Concello de Ames, fixo un recoñecemento ao traballo e aos méritos colleitados ao longo da tempada polos mellores deportistas e clubs nas diferentes modalidades do Trail Running galego.
Cun auditorio no que se completou o aforo, a I Gala do Trail Running Galego serviu ademais para a presentación dos diferentes eventos e novidades de cara ao primeiro treito da tempada neste 2025, nun acto no que participaron o presidente da FGA, Iván Sanmartín; o alcalde de Ames, Blas García ou a concelleira de Deportes, Susana Señorís, así como os concelleiros dos distintos partidos da Corporación municipal.
O responsable do trail running da Federación Galega de Atletismo e da organización desta primeira gala da especialidade, Iván Sangiao, destacou que esta modalidade deportiva está de moda en Galicia, segue crecendo, e anunciou moitas novidades moi importantes que se desenvolverán ao longo do 2025.
Dende o Concello apoiamos esta modalidade do atletismo celebrando cada ano o Trail e Andaina Ribeiras do Tambre, que xa é unha proba consolidada en Ames, e que todos os anos ten unha gran acollida. Este trail non é só unha competición deportiva, senón que tamén serve para dar a coñecer o noso concello e o seu patrimonio natural” (Susana Señorís, concelleira de Deportes de Ames)
O rexedor Blas García destacou que “para o Concello foi unha satisfacción acoller esta I Gala do Trail Running Galego na que se recoñeceu o traballo e o esforzo de todas e todos os deportistas que practican esta especialidade”, e incidiu en que “en Ames, ademais, celebramos unha proba xa consolidada no calendario galego como é o Trail Ribeiras do Tambre, e tivemos tamén un campión galego no ano 2022, o veciño de Ortoño Dani Paz“, finalmente o alcalde afradeceu a confianza da Federación Galega de Atletismo, e do seu presidente Iván Sanmartín e Iván Sangiao.
| I Gala do Trail Running Galego | |
|---|---|
| Categoría | Relación de galardoados e galardoadas |
| Top3 vertical | Ruben Insúa (At. Sar), María Martínez (At. Porriño), Marcos Pascual (Biosbardo), Tamara García (Biosbardo), Jesse Jesús Carro (At. Arenteiro), Lucía Peón (At. Arenteiro). |
| Top3 classic | María Martínez (At. Porriño), Federico Losada (Biosbardo), Rosa Araujo (Burgas Ou.), Rubén Insúa (At. Sar), Carla Trillo (Ría de Foz) e Marcos Pascual (Biosbardo). |
| Top3 maratón | María Martínez (Porriño), Moncho Muiño (C.A.Sada), Charo Figueroa (Samertolameu), Diego Míguez (Independente), Belén Riádigos (Independente) e Marcos Pascual (Biosbardo). |
| Líderes Ranking classic 2024 | Miguel A. Castro (Serres), Paula Fernández (S.D Compostela), Jesus García (Triki Team) Sandra Gonzalez (At. Lucense), Eloy Martínez (Independente), Julia Salvado (S.D Compostela), Hugo García (At. Portugalete), Martín Fontán (At. Porriño), Rosa Araujo (Burgas Ou.), Marcos Pascual (Biosbardo), Beatriz Barroso (At. Noia), Federico Losada (Biosbardo), Laura Felípez (At. Arteixo), Emilio Montilla (Biosbardo), Aurora González (Pinarium), Manuel González (Barbantia-A Roda), Raquel Estévez (Pinarium) Saturnino Gonzalez (Ourense At.), Manuel Suárez (Vet. Samil) e Araceli Veiga (C.A. Cambados). |
| Premios especiais | Eloy Martínez e Sandra González. |
| Premio ao mellor xuíz | Jose Saturnino Molares. |
| Premio ao mellor trail | Trail Terra de Burón de A Fonsagrada. |
| Premio á mellor xestión informativa | Trail Cova da Bruxa (Muros). |
| Premio á mellor xestión medioambiental | Trail das Bestas (Muras). |
| Premio á mellor integración dos percorridos | Castro Caldelas Vegan Trail. |
| Premio á mellor xestión da seguridade | Vertical o Sacauntos de Vilamartín de Valdeorras. |
