O recadado nesta Masterclass de Zumba Solidaria do Concello de O Pino, o 22 de febreiro, destinarase a Asociación Compostelá de Esclerose Múltiple, Párkinson, ELA e outras enfermidades
O Concello de O Pino organiza o vindeiro 22 de febreiro unha nova edición da Masterclass de Zumba Solidaria a favor da ACEM (Asociación Compostelá de Esclerose Múltiple, Párkinson, ELA e outras enfermidades). A cita de Zumba desenvolverase a partir das 18:00 horas no Polideportivo Municipal de Lameiro, a inscrición terá un custo de 5 euros, e todo o recadado destinarase integramente á asociación santiaguesa.
A Masterclass de Zumba Solidaria está aberta á participación de toda a veciñanza que queiran gozar dunha tarde de diversión, deporte e solidariedade, e contará coa participación de monitores especializados que guiarán aos asistentes no seu ritmo de zumba. A organización anima aos participantes a acudir disfrazados para dar un toque de cor e alegría ao evento, especialmente tendo en conta a proximidade do Entroido.
Con esta iniciativa, o Concello do Pino quere promover, ademais de hábitos saudables, o apoio a unha causa social tan importante como a loita contra as enfermidades tratadas pola ACEM. Os fondos recadados serán empregados para continuar co apoio ás persoas que padecen estas condicións e ás súas familias.
