O Concello de Cariño ofrece un campamento de Semana Santa para contribuír á conciliación das familias con nenos e nenas. Así, proporciona unha alternativa de ocio educativo durante as vacacións escolares. O programa, “Campamento Concilia Cariño Semana Santa”, está dirixido ás familias con crianzas de entre 3 e 12 anos, que deben estar escolarizadas.
O campamento urbano desenvolverase os días 14, 15, 16, 17 e 21 de abril, en horario de 9:30 a 14:30 horas, no CEIP Manuel Fraga Iribarne. O prazo de inscrición está aberto ata o 27 de febreiro e hai un límite de 36 prazas. Este servizo ten un prezo de 16 euros por neno ou nena, pero habilitaranse descontos para familias con máis dun menor inscrito.
PUBLICIDADE
