Desfiles, concursos, degustacións, xantares, festas infantís e moita diversión marcaron un Entroido na comarca de Santiago que despediu a Don Carnal coa tradicional Queima do Meco e co Enterro da Sardiña
O Entroido nos concellos da comarca de Santiago despediuse de Don Carnal ata o ano próximo ano, despois dunhas celebracións nas que a veciñanza da bisbarra desfrutou de multitude de actividades como concursos de disfraces, degustacións tradicionais, concertos, atranques dos Xenerais da Ulla, festas infantís, xantares, exposicións, obradoiros de máscaras…
O Enterro da Sardiña, en moitos dos concellos da comarca, baixou o pano dun Entroido que encheu a bisbarra de máscaras, comparsas, carrozas, disfraces e moita diversión, e que deu paso onte, Mércores de Cinza, ao inicio da Cuaresma. Aquí vos deixamos unha galería de imaxes que resumen moi ben o que foron estas festas na comarca, e que en toda Galicia estivo marcado pola declaración do Entroido galego, en todas as súas variantes, como Ben de Interese Turístico pola Xunta de Galicia.
