Os clubs deportivos de Ourense e da Mariña, BXT Celanova, CB Allariz, AB Xinzo, Iberia e Celtas de Foz enviarán os libros á rapazada afectada pola DANA
Clubs deportivos de Ourense e da Mariña veñen de aunar forzas para a recollida solidaria de libros e xogos educativos que se destinarán aos nenos e nenas e aos centros educativos afectados pola DANA en Paiporta, Valencia, o pasado mes de novembro.
Así os clubs deportivos BXT Celanova, CB Allariz e AB Xinzo, da provincia de Ourense, e os lucenses Iberia CF e Celtas de Foz, e segundo as indicacións da concelleira de Educación e Deportes de Paiporta, Susana Moreno, solicitan a doazón de libros infantís (crianzas de 1 a 6 anos), libros xuvenís así como xogos educativos, plastilina e puzzles.
Trátase dun proxecto solidario, cultural e deportivo, que une a clubs deportivos de Ourense e da Mariña para axudar aos afectados pola DANA”
O material, que se recepcionará nas instalacións dos cinco clubs deportivos que se xuntaron para poñer en marcha esta iniciativa solidaria, será enviado a Paiporta a finais do mes de decembro, co obxectivo de axudar á recomposición das aulas e centros educactivos afectados pola DANA.
