O presidente da Deputación de Ourense, Luis Menor, recibiu no Pazo Provincial á membros da directiva do Antela CF, a quenes felicitou “vivamente pola extraordinaria tempada” que veñen de rematar cun triplo ascenso dentro do club, “un fito histórico” no fútbol provincial e incluso autonómico.
O filial do Antela pechaba no mes de xuño este triplo ascenso tralos conseguidos polo primeiro equipo e o xuvenil, logrando así “unha tempada histórica” para a entidade de A Limia.
Durante o encontro fixeron un repaso polo labor futbolístico do Antela CF que conta cunha “extraordinaria canteira” -dixo Menor-, na que centos de rapaces se forman, un labor que transcende o ámbito municipal e chega a toda a comarca, sendo o club de referencia para toda a Limia.
Na xuntanza, o presidente provincial comprometeuse a manter “o apoio” da Deputación ante “este enorme traballo e grandes resultados” para colaborar coa entidade deportiva nos seus gastos de funcionamento, así como para na recente mellora das instalacións do campo de fútbol no que xogan as categorías inferiores.
Neste sentido, Luis Menor comprometeuse a continuar mellorando as instalacións desta infraestrutura deportiva, tal e como solicitou a directiva, para dar servizo a “esa enorme masa social” que ten este histórico club da provincia.
